---
title: "Om oss | Odda Tannlegesenter | Odda"
description: "Få moderne tannbehandling med høg kvalitet hos Odda Tannlegesenter. Kontakt oss for timebestilling!"
url: https://oddatannlegesenter.no/about
lang: nn-NO
---

# Om oss

Odda Tannlegesenter er ein moderne tannklinikk som tilbyr [kjeveortopedi](/kjeveortopedi) og alle vanlege [tannlegetenester](/behandlinger). Målet vårt er å gi deg behandling av høg fagleg kvalitet i trygge og behagelege omgjevnader. Vi legg stor vekt på skånsam behandling, god informasjon og at du skal kjenne deg godt ivareteken.

Klinikken ligg sentralt i Odda, med enkel tilkomst med offentleg transport og gode parkeringsmoglegheiter. Vi tek imot pasientar frå heile Hardanger og nærliggjande område, mellom anna Tyssedal, Hovland, Lofthus, Kinsarvik, Eidfjord, Grimo, Utne, Rosendal, Sunndal, Jondal, Skare og Røldal.

Vi tilbyr mellom anna [fyllingar](/hull-i-tennene-fylling), [rotfylling](/rotfylling), [behandling av tannkjøtssjukdom](/tannkjøtt-betennelse-og-peridontitt), [kroner, bruer og protesar](/krone-bro-protetikk), samt [tannbleiking og estetisk tannbehandling](/tannbleking-og-estetikk). I diagnostikk og behandlingsplanlegging nyttar vi moderne teknologi, mellom anna [Pearl AI](/AI‑assistert-røntgen). Verktøyet støttar tannlegen i tolkinga av røntgenbilete og gir eit ekstra grunnlag for grundige vurderingar og god informasjon om tannhelsa di.

Vi er stolte og glade for å ønskje Ingrid Jönson Ring velkomen som ny spesialist i kjeveortopedi med Helfo-refusjon. Ingrid har 20 års erfaring innan kjeveortopedi og doktorgrad frå Uppsala universitet. Ho arbeider ved Akademiska sjukhuset og Aqua Dental i Uppsala, bidreg i utdanninga av nye kjeveortopedar ved Karolinska Institutet og er hovudrettleiar for spesialistutdanninga ved Aqua Dental.

Ingrid har erfaring med både tradisjonell tannregulering og gjennomsiktige reguleringsskjener, mellom anna [Invisalign](/invisalign-usynlig-tannregulering). Ho er òg van med å behandle pasientar med [tannbehandlingsangst](/tannlegeskrekk). Ingrid skal arbeide både hos oss og ved Øystese Tannklinikk, slik at vi kan vidareføre det gode lokale tilbodet i Odda og Kvam. Det betyr at pasientane kan få behandling og oppfølging nær der dei bur.

Gjennom heile reguleringsbehandlinga samarbeider Ingrid tett med dei erfarne assistentane våre. Saman legg vi vekt på trygg oppfølging og at du skal vite kva som skjer undervegs. Les meir om [kjeveortopedi](/kjeveortopedi) og [gjennomsiktig tannregulering](/invisalign-usynlig-tannregulering), eller ta kontakt med oss dersom du har spørsmål.

Vi ønskjer både nye og eksisterande pasientar hjarteleg velkomne!

[Bestill time](/bestill-time)

## Tannlegar & Spesialistar

### Ingrid Jönson Ring

Tannlege & Spesialist i Kjeveortopedi

**Spesialist i kjeveortopedi med 20 års erfaring og doktorgrad**

**Arbeidserfaring**

- 2024–d.d.: Overtannlege i kjeveortopedi ved Akademiska sjukhuset i Uppsala.
- 2021–d.d.: Overtannlege i kjeveortopedi ved Aqua Dental i Uppsala og hovudrettleiar for spesialistutdanninga
- 2021–2024: Overtannlege i kjeveortopedi ved Karolinska universitetssjukehus i Stockholm
- 2019–2021: Universitetslærar og overtannlege ved Karolinska Institutet i Stockholm
- 2006–2019: Tannlege og Spesialist i kjeveortopedi, Folktandvården Uppsala län

**Utdanning**

- 2013–2019: Doktorgrad i medisin (PhD) ved Uppsala universitet
- 2006–2009: Spesialistutdanning i kjeveortopedi ved Folktandvården Uppsala län
- 2006–2008: Mastergrad i medisinsk vitskap innan odontologi ved Karolinska Institutet

### Karl Kvile

Tannlege

Eg er utdanna tannlege frå Odontologisk fakultet på Universitetet i Bergen i 1997.

I tillegg til å vere tannlege er eg også pilot – så når eg ikkje er i Odda og behandlar tenner, er eg ofte bak spakane!

På fritida er eg interessert i fotball.

### Jonatan Bezuijen

Tannlege

Eg er utdanna frå Odontologen på Universitetet i Bergen.

Eg har fokus på medmenneskelegheit og kommunikasjon med pasientane mine, noko eg meiner er viktige verdiar som bidreg til ei betre behandlingsoppleving og større tiltru til tannlegeyrket. Fagleg har eg særleg interesse for endo (rotfyllingar) samt kirurgi.

På fritida likar eg å drive med trening, friluftsliv og fridykking.

## Tannpleiarar og Tannhelsesekretærar

### Marta Tokheim

Tannpleiar & Kjeveortopedisk assistent

Periodiske kontrollar, tannreinsing og tannbleiking, samt assistering for kjeveortopedi.

Eg likar jobben min fordi eg likar å hjelpe andre. Hobbyane mine er fjellturar og ski.

Periodiske kontrollar gjer det mogleg å påvise hol tidleg. Resultatet er at behandlinga stort sett blir raskare og rimelegare. I kombinasjon med periodisk tannreinsing med ultramoderne ultralydsteknikkar – tilfredsheit garantert.

### Randi Seljestad Waage

Autorisert tannhelsesekretær

Eg er utdanna tannhelsesekretær og har jobba hos Odda Tannlegesenter sidan 2009.

Ansvaret mitt er å halde styr på det meste administrative på klinikken samt assistere tannlegane ved behov. Eg er pliktoppfyllande og genuint interessert i menneske og å sjå kvar og ein.

Noko av det viktigaste for meg er at alle skal føle seg velkomne, trygge og godt ivaretekne.

På fritida finn du meg mest sannsynleg heime i hagen, ute på Fedje «øya i vest», eller på ein konsert.

### Georg Zenkov

Tannpleiar & Kjeveortopedisk assistent, ambulerande

Ferdigutdanna som tannpleiar i 2023 ved Universitetet i Bergen.

Jobbar ved Kjeveortopeden i Arna som kjeveortopedisk assistent.

Tidlegare jobba ved Oris Dental (Kjeveortopedene i Arken) 2021-2023.

Tidlegare jobba som tannpleiar i Porsgrunn tannklinikk i perioden 2023-2024.